ENDL CEIP PAZOS

Novo número de A Peneira

2011-06-21T12:00:00.000+02:00

Un ano máis estamos aquí cun novo exemplar da nosa revista escolar “A Peneira”, concretamente o nº 18, para poder amosarvos o traballo realizado por toda a Comunidade Educativa durante este curso 2010-2011.
Coma sempre, o obxectivo do Equipo de Normalización Lingüística e do Equipo de Biblioteca é que esta nova edición sirva para contribuír á normalización da Lingua Galega na nosa comunidade escolar e que os nosos rapaces e rapazas poidan achegala máis alá do noso centro.

Nela poderemos ver unha mostra das actividades que fixeron os alumnos de Infantil e Primaria ao longo destes intensos meses, pois eles son os principais protagonistas desta revista e foron feitas con moito esforzo e ilusión pola súa parte.

Juan Farias. In Memoriam

2011-06-11T22:00:00.000+02:00

VALENTÍN PAZ ANDRADE

2011-06-05T12:06:00.002+02:00

Valentín Paz Andrade naceu en Lérez (Pontevedra) o 23 de abril de 1898. Despois dunha longa traxectoria como xurista, político e escritor, morreu en Vigo, o 19 de maio de 1987.

Será homenaxeado no Día das Letras Galegas do 2012. Naceu un Día do Libro e morreu case un Día das Letras Galegas...

Máis información no Xornal de Galicia.com, na Galipedia, na web Galegos, en La Voz de Galicia, El Correo Gallego.

POESÍA E IMAXE 2011

2011-05-18T23:00:00.013+02:00

Hoxe pola tarde asistimos á entrega de premios da 11ª edición de "En Galego sen Filtro. Poesía e Imaxe" no centro cívico Carvalho Calero. Un acto amenizado co grupo de clarinetes do Conservatorio Profesional de Música Xan Viaño, de Ferrol. Pola nosa parte, noraboa a Dan Rivas Núñez, de 5º de Infantil e a Leandra Luísa do Rego Martínez, de 6º de Primaria, que coas súas ilustracións amosaron a beleza que une, en ocasións coma esta, a imaxe e a palabra. Para nós, a palabra xaponesa e a portuguesa irmanadas coa galega como mostra da riqueza das linguas no mundo.

Dan fixo o fermoso debuxo ilustrando o poema en xaponés:

A bolboreta perfuma

as ás no recendo

da orquídea.

Basho

Leandra ilustrou este poema en portugués:

Verdes sao os campos

da cor do limao

assim sao os olhos

do meu coraçao.

Campo que te estendes

com verdura bela

ovelas que nela

vosso pasto tendes.

De ervas vos mantendes

que traz o verao

e eu das lembranças

do meu coraçao.

Luís de Camoes

E aquí podedes ver o resto das imaxes:

Chispa tamén vos felicita por este traballo.
No Diario de Ferrol máis.

FERMOSA LINGUA, LINGUA NOSA

2011-05-17T21:49:00.002+02:00

Queremos axudar á divulgación destes fermosos vídeos para celebrar este día.

FELIZ DÍA DAS LETRAS GALEGAS!

Lingua minoritaria, Contaxio, Responsabilidade e Liberdade

de Manuel Singala

Letras Galegas 2011: Lois Pereiro

2011-05-17T17:10:00.003+02:00

Se premes na imaxe de Lois Pereiro poderás acceder a un montón de recursos sobre o autor homenaxeado no Día das Letras Galegas 2011 elaborados nos centros escolares galegos, recollidos en Trafegando Ronseis. Grazas Anxo e Gracia!!!

E se premes na sinatura do poeta, poderedes aceder ao seu poemario.

Letras Galegas 2011: Lois Pereiro

2011-05-02T16:04:00.002+02:00

Grazas á nosa ex-compañeira e amiga Ana Martinez podemos empezar a traballar o Día das Letras Galegas con este libro LIM para Infantil e 1º ciclo sobre o escritor e poeta Lois Pereiro, a quen se lle adica este día no ano 2011. Grazas, compi!!!

Por que o preguntas?

2011-04-01T18:05:00.005+02:00

Por que falas galego? E para que? Para que che serve? Pero por que te empeñas en seguir falándoo? Ademais, que galego falas? Ese inventado? Ou o do bruto, o da aldea?

Os galegofalantes teñen que escoitar preguntas deste tipo, que non só fan os castelanfalantes, senón toda unha sociedade comesta polos prexuizos, e que levan á discriminación dos galegofalantes e as fecharlle as portas do idioma ao resto dos cidadáns. Mudar as imaxes negativas que existen sobre a nosa lingua é algo clave para avanzar na súa normalización.

Aquí tedes o documental "Linguas Cruzadas" e unha Unidade Didáctica para traballar con el.

Na páxina da Coordinadora Galega Equipos de Normalización Linguística tedes un montón de recursos para traballar nas aulas e loitar contra os prexuizos lingüísticos.

Preme na imaxe a continuación para acceder a eles.

Convida o galego

2011-03-21T16:00:00.000+01:00

Hai 6 mil linguas no mundo. Canta riqueza!
Estas linguas son creacións únicas de sociedades singulares. Necesitan protección e o teu compromiso para permaneceren no tempo, entre xeracións, para seguiren sendo linguas vivas.

"ROGER DE FLOR: NATURALIDADE SILVESTRE" e "O SOLDADIÑO DE CHUMBO" OPTAN AOS PREMIOS MESTRE MATEO

2011-03-17T15:49:00.013+01:00

Tal e como podiamos ler onte no Diario de Ferrol, "O soldadiño de chumbo" opta ao premio Mestre Mateo da man da súa directora, Peque Varela e a súa produtora, Chelo Loureiro. Tamén podemos felicitar ao director Carlos Alberto Alonso pola súa candidatura á longametraxe documental: "Roger de flor: Naturalidade silvestre". Moita sorte para estes tres ferroláns.

Pintar con palabras

2011-03-11T23:24:00.003+01:00

Hai xa algo máis dun mes e para celebrar o Día da Candeloria as nenas e nenos da aula de 5 anos empezaron a preparar este fermoso traballo, falando do bo que cada un de nós tiña e pouco a pouco foron saíron unhas fermosas poesías.

Fixéronas entre todos e logo cada un escribiu a súa. Ademáis a profe sacoulles unhas fotos, de frente e de perfil coas que fixeron uns divertidos collages. Poesía para os oídos pero tamén poesía para mirar.

E aquí tedes o resultado!!!

Había: con h, con b e til no i

2011-01-24T19:37:00.003+01:00

Dende Mesturas chéganos esta carta dunha alumna do seu centro: Elena Vázquez Sarandeses.

Así, así, a administración, os mestres, ou quen fose o responsable da redacción das probas, dando exemplo.

A Galipedia engadiu hoxe 5.000 artigos

2011-01-16T17:58:00.005+01:00

A Wikipedia naceu hai agora dez anos como "un proxecto internacional feito por voluntarios, co propósito de facer unha enciclopedia libre, accesible, colaborativa e de balde en moitos idiomas. O obxectivo é a plena transmisión da sabedoría e o coñecemento sen restricións editoriais nin comerciais", anuncian na páxina principal da Galipedia, onde lembran ademais que "desenvolvemento da Wikipedia está aberto a toda persoa interesada en contribuír" a este proxecto.
A Galipedia, a versión galega comezouse o 8 de marzo do 2003, polo que falta menos de dous meses para que celebre o seu oitavo aniversario.
E para celebralo, a versión galega desta enciclopedia, engadiu hoxe 5.ooo novos artigos, alcanzando xa os 67.000 !!!

Vía GaliciaHoxe.com

Postais dixitais

2010-12-17T16:53:00.000+01:00

Este ano podedes felicitar as festas aos vosos amigos e familiares empregando as postais feitas polos nenos e nenas do CEIP de Pazos desde a web da Coordinadora Galega de Normalización Lingüística, premendo no seguinte ENLACE.

As tarxetas seleccionadas para enviar á CGNL no noso Centro foron as de:

ELIA SOMAZA NIETO (6º EI)

SABELA FERNÁNDEZ GONZÁLEZ (1º EP)

ERNESTO CASERO JARA (3º EP)

LUCÍA HUERGO PITA (6º EP)

Sorprendede aos vosos con felicitacións tan fermosas como estas!!!

Regalemos galego. Por que non?

2010-12-16T16:23:00.004+01:00

Aquí tedes algunha idea para incluir na carta aos Reis Magos e tamén para regalar, a grandes e pequenos, pero sempre en galego.

Vía o ENDL do CPI Vicente Otero Valcárcel de Carral.

Vía a Coord.Traballadores de Normalizaión Lingüística.

Vía a Secretaría Xeral de Política Lingüística.

O galego = Lingua Forte

2010-12-14T01:10:00.003+01:00

Este ano, desde o Equipo de Dinamización Lingüística decidiuse elaborar un calendario de sobremesa, cun lema en prol do galego, polo que fixemos un concurso no que resultou elixido o debuxo de Xana Fernández Leira de 4º de Primaria.

E cos demáis debuxos, fixemos un video no que os desexos para o aninovo convertíronse en anhelos para que o galego sexa unha lingua forte.

O Apalpador.

2010-12-13T17:00:00.002+01:00

Desde o CRA Raíña Aragonta chéganos este libro LIM sobre a figura do Apalpador. Como sempre, preme na imaxe a continuación para empezar a xogar.

O Apalpador

2010-12-12T16:35:00.004+01:00

Desde o Outeiro de Matilda, chéganos este Gloster sobre o Apalpador.

Recursos para o Nadal

2010-12-10T21:26:00.004+01:00

Preme na imaxe para acceder ao banco de recursos en galego para o Nadal, da man da Coordinadora Galega de Equipos de Normalización e Dinamización Lingüística.

A EDUCACIÓN PÚBLICA GALEGA BEN PARADA NO INFORME PISA 2009

2010-12-08T21:43:00.006+01:00

Unha vez máis debemos reflexionar sobre estes resultados. O ensino público galego e en galego ten aval.

PISA 2009:

Galicia supera a media española en lectura (en castelán) e

saca notable en matemáticas (impartidas en galego).

ADEUS A FERNÁNDEZ DEL RIEGO

2010-11-27T14:26:00.005+01:00

97 palomas para Don Paco: isto ocurría en xaneiro deste ano.
Onte, tristemente, despedimos a Francisco Fernández del Riego, intelectual, escritor -Don Paco, Home Luz- fundador da Editorial Galaxia, Director da Biblioteca Penzol en Vigo durante case medio século, que desenvolveu unha traxectoria en prol da cultura e a lingua galegas.

Faro de Vigo , Xornal de Galicia.com, La Voz de Galicia, Wikipedia

O labirinto dos soños

2010-11-19T17:02:00.007+01:00

Fóra das salas de cine, un proxecto de animación en tres dimensións realizado en Galicia está a amosar as posibilidades creativas que existen no noso país e o aproveitamento que se fai das novas tecnoloxías. “O labirinto dos soños” é unha película de debuxos animados. Un proxecto musical. Un xogo. Unha unidade didáctica. Todo feito desde Galicia e distribuído a través de librerías.

Vía Flocos TV

Pincha na imaxe para velo!!!

Seis capítulos dunha serie de animación para TV, na que cada capítulo corresponde a unha canción. Conta as peripecias de Ventura tres pelos, un rapaz que nunca quería durmir porque non sabía soñar. Ata que unha noite, lendo un libro de contos, quedou por fir durmido e comezou a soñar. pero tanto soñou que soñaba e así. quedou atrapado no labirinto dos soños, onde vive as máis extraordinarias aventuras e desventuras. Ventura aínda continúa atrapado no labirinto, un lugar con moitos camiños, pero cunha soa saída.

CO ECOLINGÜISMO...

2010-10-26T21:10:00.006+02:00

Ecolingüismo o galego é o noso medio natural

View more presentations from Coordinadora Galega ENDL.

CULTURA PARA LEVAR

2010-09-16T17:51:00.006+02:00

En Toupa.net cultura para levar tedes

a posibilidade de acceder a todos os produtos culturais galegos. Non deixedes de visitar esta páxina, pero se ademais necesitades ideas para os máis pequenos, premendo na imaxe inferior accededes á oferta de música, libros, banda deseñada e audiovisuais infantís.

FERROL COA LINGUA

2010-09-14T20:53:00.005+02:00

Se premedes na imaxe entraredes en FERROL COA LINGUA, onde podedes atopar as accións de normalización lingüística do noso concello.E invitámosvos a visitar "ENSINO E MOCIDADE" premendo nestoutra para descubrir moitas das actividades que se están a facer para os máis novos e para dar un paseo por outras nas que xa tedes participado.

Para que serve o galego...

2010-09-13T18:36:00.002+02:00

É unha fermosa reflexión que atopamos na rede e coa que nos comprace iniciar o novo curso:

A escola: unha oportunidade para aprender galego

2010-06-18T21:59:00.003+02:00

Os estudos sobre adquisición de linguas demostran que os nenos e as nenas que crecen en contacto con varias linguas teñen moita máis facilidade no futuro para a comunicación, as habilidades sociais e a aprendizaxe.
Podemos aproveitar a presenza do galego na nosa sociedade para mellorar a formación dos nosos fillos e fillas.
O galego é riqueza para o futuro, nunca un problema para aprender. Axudádelles aos vosos fillos e fillas a aprender o galego como unha lingua de seu, non como unha lingua estraxeira.

GalegoLAB: accións positivas en prol da nosa lingua

2010-06-07T22:25:00.003+02:00

Este mércores 9 de xuño en Santiago de Compostela terá lugar a presentación de GalegoLab, un colectivo para sumar esforzos e vontades en defensa do idioma galego, un laboratorio para crear e desenvolver accións positivas a prol da lingua, principalmente centradas nas culturas emerxentes e nos sectores máis novos da sociedade.

Para ler máis podes consultar a páxina da Coordinadora de Traballadores/as de Normalización Lingüística.

Ademais da súa propia constitución, GLab está a promover unha ferramenta informática, GALEGOLAB (www.galegolab.org), a xeito de rede social ou instrumento de crowdsourcing, que promova e coordine achegas de medios humanos, materiais e monetarios para levar adiante esas accións positivas dirixidas á promoción do galego propostas fundamentalmente polos usuarios de GALEGOLAB, ou ben pola propia GLab.

X CERTAME POESÍA E IMAXE

2010-05-31T22:55:00.008+02:00

Hoxe tivo lugar o encontro que periodicamente a Coordenadora das Equipas de Normalización Lingüística de Ferrolterra convoca neste tempo dende hai xa dez anos. A primavera e a poesía sempre foron da man, e esta tarde tivemos a oportunidade de ver os fermosos traballos dos distintos niveis educativos na exposición do Centro Cívico Carvalho Calero. Mesmo contamos coa música dun grupo de estudantes do Conservatorio de Ferrol que nos fixeron mover os pés ao ritmo de moitas pezas tradicionais galegas, e que despediron o acto cun emotivo Himno Galego que todos os demais cantamos.

Desde aquí queremos felicitar a quen cada ano fai posible que isto se repita, e a todas e todos os participantes polo seu magnífico traballo.

En especial, a nosa NORABOA a Anxo, Ernesto e Laura.

Moitas felicidades e...

A SEGUIR TRABALLANDO ASÍ DE BEN.

ESPERAMOS A PRÓXIMA CITA, ATA ENTÓN...

QUE VIVA A POESÍA! QUE VIVA O GALEGO!

A hortiña: un lugar de encontros e xogos en galego.

2010-05-31T17:27:00.000+02:00

Un grupo de pais e nais de Ferrolterra deciden xuntarse para que os seus fillos e fillas teñan a oportunidade de xogar e medrar en galego nun entorno castelán-falante como o que nos rodea.

O vídeo dirixido por Ana Mª Pérez Rico, mestra no CEIP de Centieiras, forma parte da campaña "Orgullosos do noso, orgullosos do galego" da Coordinadora Galega de Equipos de Normalización Lingüística.

En Galego tamén se fai ciencia

2010-05-31T16:44:00.000+02:00

A defensa do galego vai máis alá do emprego literario ou da reflexión lingüística, e inclúe o seu uso cotián en todos os ámbitos, tamén nos espazos específicos de investigación. As tres universidades galegas inician a campaña "En galego tamén se fai ciencia".

Xavier Alcalá, Beatriz de Carlos, Ángel Carracedo, Domingo Docampo, Edita de Lorenzo, Marcos Mariño, Jorge Mira e Elena Vázquez-Cendón son algunhas das persoas que fan ciencia en galego, e que, ademais, quixeron dar as súas ideas, poñer os seus rostros e explicitar o seu compromiso na campaña En galego tamén se fai ciencia, promovida polos servizos de normalización lingüística (SNL) das tres universidades galegas.Toda a información en www.engalegotamensefaiciencia.eu

Vía Coordinadora de Traballadores/as de Normalización Lingüística

UXÍO NOVONEYRA

2010-05-20T23:21:00.000+02:00

Mañá celebraremos na nosa biblioteca o Día das Letras Galegas, con cancións, poemas, teatro e adiviñas, e aproveitaremos para repartir a pegatina que elaboramos para a conmemoración desta festa.
Estas semanas estivemos a traballar para preparar a exposición.

Este poema adicoullo á súa filla, Branca-Petra.

No bicarelo do bico do brelo canta o paxariño.

No mesmiño bicarelo do bico do brelo.

E aquí deixamos unhas imaxes de O Courel con música de Luar na Lubre

En pequesPazos e Cinco anos e máis tedes outras cousas interesantes para ver, non deixedes de visitar estes blogs de infantil.

POEMAS DE UXÍO DESDE MOAÑA

2010-05-09T20:48:00.000+02:00

Esta é a escolma que nos envían desde o CEIP de Quintela, en Moaña.

Quince poemas para recitar con esta preciosa presentación. Grazas a Isa e a Belén por compartir este traballo tan bonito.

Letras Galegas 2010: Uxío Novoneyra

2010-05-06T19:45:00.000+02:00

Uxío Novoneyra naceu en Parada de Moreda, Courel, en 1930, fillo dunha familia de labregos. Esta terra será o principal referente físico para os seus versos, ofrecendo unha anovadora visión da paisaxe dentro da literatura galega. No ano 1955 deu ao prelo Os eidos, poemario con que comeza un ciclo poético que retomará con Os eidos 2. Letanía de Galicia e outros poemas (1974). Nos comezos da década de 80, o poeta principia a recompilar e depurar o seu ciclo courelán, dando a lume Os eidos. Libro do Courel (1981), que terá diversas reedicións. No ano 1983 afíncase definitivamente en Santiago, cidade desde a cal exerceu como presidente da Asociación de Escritores en Lingua Galega, até a súa morte no ano 1999.

Ler máis na páxina da ASOCIACIÓN DE ESCRITORES EN LINGUA GALEGA.

Desde a Coordinadora Galega dos Equipos de Normalización e Dinamización Lingüística podemos acceder a unha recopilación de materiais didácticos elaborados para conmemorar o Día das Letras Galegas 2010, adicado a Uxío Novoneyra.

(preme na imaxe para seguir a ligazón)

desconxeLE

2010-05-06T18:53:00.000+02:00

desconxele é un proxecto de fomento do hábito lector que se puxo a andar neste 23 de abril Día do Libro.
Para non chegar a un enfriamento lector, desde a Editora 2.0 propoñennos desconxelar as lecturas dos nosos andeis-conxeladores ou que nos acheguemos á nosa libraría de referencia para conseguir un novo libro e realizar o acto lector. Tamén pódese conservar no andel para cando o acto lector che sexa máis apropiado.
Lembra que ler é conversar cun autor, un diálogo continuo e perdurable do que sempre disporemos, sexa conservado en formato sólido (en papel) ou en formato líquido (dixital).

En canto a esta nova campaña, modesta polo momento, conta cun vídeo que podedes ver a continuación.

En 60 librarías de toda Galicia distribúese este empaquetado específico para os libros que merquedes. Tenta conseguir o teu!!

Ademais, desde a queremos propoñerche que envíes a este correo electrónico unha listaxe cos 5 libros imprescindibles que cres que deben estar traducidos ao galego.

editamosparati.comunidade@20editora.com

Participa da implementación desta campaña propoñéndonos accións creativas para o fomento do hábito lector. Achégate a nós. Temos moito por facer na comunidade galega de lectura e queremos contar co teu pulo. Anímate!!!

Premios Maestro Mateo 2009

2010-04-15T18:00:00.000+02:00

Antes de que se constituíse a Academia Galega do Audiovisual, foi a Asociación Galega de Produtoras Independentes (Agapi) quen se decidiu a organizar uns premios anuais, baixo o nome da propia asociación. Os premios Agapi celebráronse entre os anos 1996 e 2001. En 2002 os premios recibiron o nome do cineasta Chano Piñeiro, e foron organizados conxuntamente por Agapi e pola nova asociación de produtoras que se viña de constituír, Aega.A Academia naceu en certa medida coma a entidade que mellor podería asumir a organización duns premios desta natureza, xa que nela participan, en pé de igualdade, os profesionais dos distintos gremios dentro do audiovisual. E, así, a partir de 2003 os Premios pasaron a ser os Mestre Mateo.

"Os premios Mestre Mateo supoñen unha serie de actividades que teñen como evento culminante unha gala retransmitida por televisión. Os premios teñen tanto de balance coma de promoción, son celebración e reivindicación de que no seo da sociedade galega existe un audiovisual activo"

Os membros da Academia escollen democraticamente aqueles traballos colectivos e individuais que lles parecen os mellores, de entre todos os realizados e presentados o ano anterior. A escolla faise en dúas fases. Nunha primeira votación participan a totalidade dos traballos presentados. A segunda e definitiva votación faise sobre os catro traballos que acadaran maior respaldo. Despois, un notario encárgase da facer o reconto das votacións emitidas polos académicos. Por último, os premios fanse públicos e entréganse durante unha gala, que se adoita celebrar en abril.Os Premios Mestre Mateo son, pois, unha singular oportunidade para obter anualmente unha panorámica xeral do audiovisual galego desde a perspectiva dos académicos.

Vía a Academia Galega do Audiovisual

Entre as candidaturas deste ano, destacan CELDA 211, e GORDOS nas longametraxes, PADRE CASARES e MATALOBOS nas series de televisión,

o anuncio de MALOSERÁ!!!, VIVAMOS COMO GALEGOS,

o corto de animación "A NENA QUE TIÑA UNHA SOA ORELLA"

e os actores LUIS TOSAR e o naronés XAVIER DEIVE.

Non te perdas a gala esta noite na TVG!!!

LV: O primeiro periódico gratuito galego.

2010-04-15T13:45:00.000+02:00

LV é o primeiro xornal gratuito galego, escrito tamén en galego. Sae de Luns a Venres e distribúese nas principais cidades da nosa Comunidade Autónoma.

PINCHA NA IMAXE PARA LER O XORNAL DE HOXE!!!

Ou segue a súa edición dixital no seguinte enlace.

Xulia: "Aprendinlle o galego da miña nai"

2010-03-26T00:04:00.000+01:00

Xulia ten seis anos e fala seis linguas: galego, francés, castelán, inglés, portugués, neerlandés, e algunha outra. Vive entre Bruxelas e Vigo. Porque as linguas suman, non esquezamos a nosa.

Os ciberirmandiños

2010-02-26T22:52:00.000+01:00

Sabes que a enciclopedia de referencia en Internet, a Wikipedia, ten en galego a décima parte dos artigos que en español, pese a que a porcentaxe de galegofalantes no mundo é 0,7% da de hispano falantes?

Que hai aplicacións informáticas que se traducen antes ao noso idioma que ao francés ou ao alemán?

Que tamén está traducida Facebook, a rede social que tende a ter tantos membros no mundo como usuarios de Internet, e na súa irmá emerxente, Twitter, o galego está entre os 20 idiomas máis usados?

O idioma propio de Galicia ten unha presenza na Rede moito máis elevada que nos medios de difusión tradicionais, e todo iso non con subvencións oficiais, como reza o mantra neoliberal, senón grazas ao esforzo desinteresado de milleiros de persoas.

Vía El País.com

Se queres ler todo o artigo na edición dixital de El País, preme aquí

ROSALÍA...

2010-02-24T22:10:00.000+01:00

Cantor

dos aires,

paxariño alegre,

canta,

canta por que o millo medre;

cantor

da aurora,

alegre namorado,

ás meniñas dille

que xa sal o sol dourado;

que o gaiteiro,

ben lavado,

ben vestido,

ben peitado,

da gaitiña

acompañado,

¡á porta está!...

¡Xa...!

Rosalía de Castro naceu o 24 de febreiro de 1837 en Santiago de Compostela.

Na Biblioteca Virtual Miguel de Cervantes podes escoitar na voz de Marina Mayoral algúns dos seus poemas; e ver imaxes dela e da súa familia.

Entra a visitar a fermosa páxina da nosa poetisa eterna... ROSALÍA

ORGULLOS@S DO NOSO

2010-02-24T16:51:00.000+01:00

AS LINGUAS MORREN

2010-02-09T20:30:00.000+01:00

Faleceu a última falante dunha lingua tribal que levaba 60.000 anos nas illas Andamán, da India. Boa Sr era a mái anciá dos granandamaneses, dos que xa únicamente sobreviven 52 personas.

Crese que os bo levaban vivindo nas Illas Andamán uns 60.000 anos, o que os convertía nos descendente e herdeiros dunha das culturas humanas máis antigas da Terra.

Non hai moito, a muller confesaba que sentía unha angustia cada día por ser a única testemuña muda da perda dunha cultura. En Prensa Indígena podes ler este artigo íntegro.

Segundo a profesora Anvita Abbi (segunda pola esquerda na foto), hai unha crenza xeral de que os idiomas que se falan nas Illas Andaman poidesen ser os derradeiros representantes das linguas que se falaron nos tempos pre-neolíticos. Resto da reportaxe en BBC Mundo.

latri.ca - Fala, latrica, opina

2010-02-09T19:20:00.000+01:00

«Twittear» en galego dise «latricar». Internet conta desde hai menos dun mes cunha nove rede social de "microblogging", é dicir, un portal onde os usuarios se comunican a través de mensaxes de menos de 200 caracteres, e que está feita en Galicia.

Chámase Latri.ca, e é un proxecto dun grupo de usuarios que adican o seu tempo libre a "crear proxectos en galego para Galicia". Coa mesma idea naceu Sinxelo, un servizo de novas clasificadas e gratuíto; e Blogalego, un buscador de bitácoras en galego.

Eu falo TV

2010-01-31T20:15:00.000+01:00

Eu falo.TV é un proxecto de documental colaborativo. É unha historia colectiva sobre a lingua, dende o punto de vista dos seus falantes. É, por tanto, unha historia feita a partir de pequenas historias, un discurso feito con moitos discursos diferentes e variados. Para que cada quen tire as súas propias conclusións.

Eufalo.TV argallouse entre A Navalla Suíza e un equipo de colaboradores formado por Noa García, Manu Mayo, Belén Regueira, Araceli Gonda, Xandra Tedín, Mabel Montes, Mónica Ares e Matías Tarrío, entre outros.

Todo o mundo está invitado a participar, cando ve os vídeos e cando os comenta ou os comparte nas súas redes sociais. Pero aínda se pode contribuír de maneira máis activa, pois os vídeos de Eufalo.TV tamén os podemos facer nós. Se non resistes a tentación de enviar a túa peza, mira aquí como facelo.

Os nenos e o galego

PRONUNCIAMENTO DA RAG SOBRE O DECRETO

2010-01-18T22:57:00.000+01:00

Hoxe a Real Academia da Lingua fixo público o seu estudo sobre o decreto. Neste enlace accedes ao pronunciamento público da RAG .

E ademais, vía o blog do ENDL do CEIP de Andrade, podemos ler

Decálogo para ser lingüísticamente sostibles

A resposta do ensino e de toda a sociedade

2010-01-16T20:40:00.000+01:00

Ante o ataque galegofóbico, antipedagóxico e preconstitucional que supón a proposta, firme, de derrogación do decreto de promoción do galego no ensino, está a ser un clamor a necesidade de dar respostas sociais. Como se mostra nesta ampla recompilación de artigos, análises e posicionamentos, á que cómpre engadir esta contundente opinión de Xavier Vence.
E a primeira desas respostas será a folga xeral do xoves 21. Nunca houbo tantas razóns.

Felicitación de Nadal desde a Coordinadora Galega dos ENDL

2009-12-23T17:28:00.000+01:00

Quen é o Apalpador?

2009-12-23T17:09:00.000+01:00

Moito antes de que a sociedade de consumo importase dos países nórdicos a Papá Noel, en Galiza xa habitaba a figura mítica do Apalpador. O Apalpador é un home de barba rubia, un vello xigante, que vive nas devesas das altas montañas facendo carbón para escorrentar o frío do inverno. Na noite do 24 de decembro baixa ata as aldeas, métese polas chemineas nas casas e achégase aos nenos e ás nenas que dormen ao remol das mantas e apálpalles as barrigas para ver se os cativos están ben alimentados. Dálles un bico na meixela e déixalles unha presa de castañas para que non pasen fame.

O Apalpador é moi lambeteiro e se os nenos lle deixan un calcetín ou uns zapatos con algo doce para axudarlle a andar toda a noite visitando todas as casas de todos os nenos galegos, el entrégalles os agasallos de madeira, tea e cartón que fixo coas súas mans no tempo de lecer do resto do ano.

Ao Apalpador gústanlle máis os xoguetes feitos á man con materiais naturais como a madeira ou o barro, cheos de cariño e respectuosos co medio ambiente, que aqueles de plástico, automáticos e con pilas que gastan moita enerxía e empobrecen os nenos e nenas doutas partes do planeta.

Vía Vieiros da Escola

Imaxe: Leandro Lamas

Na columna da dereita deixámosvos un montón de materiais sobre o Apalpador que fomos encontrando na rede. Para desfrutar en familia e recuperar esta vella tradición galega.

Bo Nadal

2009-12-23T16:47:00.000+01:00

Mañá é Noite Boa, noite na que celebramos o nacemento de Xesús. Aquí vos deixo este precioso vídeo que recolle este gran momento, coa música de Berrogüetto "Nadal de Luintra" e as imaxes de "Natividad, la historia", de Catherine Hardwicke.

CAMPIONATO DE TRIVIAL PARDO DE CELA

2009-12-12T19:13:00.000+01:00

A AS-PG vén de convocar un novo campionato de Trivial: "Campionato de Trivial Pardo de Cela"

Anímate a participar!!

Pardo de Cela Rodríguez de Aguiar e Ribadeneyra, tamén coñecido como Don Pedro Pardo de Cela foi un Mariscal galego do século XV, fillo de Xoán Núñez Pardo, señor da Torre de Cela e de Don Teresa Rodríuez de Aguiar decapitado o 17 de decembro de 1483, dez días despois de ter conseguido escapar pai e fillo dunha redada co seu fillo de 22 anos, Pedro Pardo de Cela e de Castro, sendo ambos, siendo executados diante da catedral de Mondoñedo por mandato dos Reis Católicos.

En lembranza daquel feito convócase esta edición do TRIVIAL.

Primeira conserveira galega

2009-11-30T17:52:00.000+01:00

Vieiros da Escola publica un novo número, esta vez dedicado á primeira conserveira galega. Se vos gustaría saber como comezou a historia do desenvolvemento industrial en Galicia entra na súa páxina.

EN GALEGO OS DEREITOS DO NENO

2009-11-20T09:01:00.000+01:00

Hoxe 20 de novembro de 2009 celébramos dous aniversarios. Desde estes enlaces podedes acceder á Declaración dos Dereitos do Meniño e da Meniña de 1959 e á Convención dos Dereitos do Meniño e da Meniña de 1989.

Atopamos esta presentación visitando O RECANTO DE MIK, animámosvos a pasar pola súa Biblioteca para disfrutar de todos os recursos que nos ofrece.

RIMAS DO PEÓN II

2009-11-16T20:31:00.000+01:00

Polo San Martiño
buxainas e millo. (Laura, de 5º de Primaria)

Tes que bailar a piola

senón vólveste tola. (Laura, 5º)

Bailan, bailan as buxainas,

saltan, saltan as piolas,

coma tolas,

coma tolas. (Lucía, 5º)

Bailan os peóns
con moita ilusión. (Lucía, 5º)

A piola envolveu a buxaina,

e empeza a xirar arredor da castaña. (Nuria, 6º)

Vai buscar a buxaina,

vai buscar os amigos,

sempre que queiras xogar,

xogar polo San Martiño. (Nuria, 6º)

Xa vén o San Martiño
con porquiños e peóns,
esta é a letra da canción
para andar no camión. (Rubén, 6º)

Se ti cres no San Martiño

corre a buscar os amigos,

corre a xirar as buxainas,

xoga polos camiños. (Gloria, 6º)

As buxainas co seu ferrón,

parten a mogollón. (Joni, 6º)

Co San Martiño
corre a beber viño,
e a bailar as buxainas
polo camiño,
polo camiño. (Joni, 6º)

O peón ten unha barriga,
coma unha señora,señoriña. (Alba, 5º)

O peón gordiño
pode bailar polo camiño. (Alejandro, 5º)

No botón
baila o peón.
E no pratiño,
o peonciño. (Leandra, 5º)

O tempo amaina
cando baila a buxaina. ( Rosana)

Saen bailar os peóns
facendo procesións.
Xiran de noite e de día
¡Vaia algarabía! (Paula, Joni e Rosana)

Se tiras da piola
a buxaina roda,
e se che sae mal,
volves empezar. (Carolina e Gloria, 5º e 6º)

Roda o peón,

roda, roda sen dirección. (Paula, 5º)

Coa capa colorada

e a barriga abrigada

xira a buxaina

e desfai a súa saia. (Rosana)

Primeiras rimas do PEÓN

2009-11-15T11:08:00.000+01:00

San Martiño chegou,
e nos peóns pensou. (Feli)

Trompo no camiño

e ri o meniño. (Feli)

Buxaina redonda,

o que non queira xogar

que se esconda. (Feli)

O peón
ten barriga de melón. (Fabio, 4º curso)

A piola

pon a buxaina tola. (Paula, 4º)

Chegou san Martiño

con moito fresquiño. (David, 4º)

Nenos no patio
xogando aos peón,
alegres, contentos,
cantando cancións. (Alumnos e alumnas de 4º)

Cantando e bailando felices,

chegou San Martiño con moitas perdices. (David, 4º)

No outono,

buxainas para todos. (David, 4º)

Os nenos e nenas de Pazos
cantaron a canción
do peón. (Andrea, 4º)

A buxaina co ferrón,

unha castaña estoupou. (Feli)

Fun polo camiño

con peóns, leite e viño. (Miriam, 4º)

A castaña estoupou
e a cabaza un susto levou. (Paula e Miriam, 4º)

A buxaina tola

enrólase coa piola. (Feli, 4º)

Aos nenos xoguetóns

gústanlles os peóns. (Nenos e nenas de 4º)

Día do Peón II

2009-11-11T18:26:00.001+01:00

Saímos ao patio e bailamos e bailamos os peóns. Atoparedes toda a información se picades na fotografía e accededes ao blog da Biblioteca.

*****Pero desde aquí queremos convocar a todos e todas a facer rimas para publicar aquí. ¿Animádesvos a participar?

Podedes pensar nas casas, traballar coas vosas profes, inventar cos vosos compas..., pedir axuda aos avós e avoas, pensar no que dirían Astérix e Obélix, ou pechar os ollos e debuxar no ar unha buxaina percorrendo o camiño polo San Martiño. Cando teñades lista a vosa rima, levádea á Biblioteca escrita nun papeliño, ou facede un comentario ao final desta entrada. Non esquezades poñer o voso nome en calquera dos dous sitios.

Ao final da vindeira semana publicaremos todas as que teñamos recollido; mesmo escribiremos de novo as dos comentarios. ¡ÁNIMO E A PENSAR!

DÍA DO PEÓN

2009-11-10T21:44:00.000+01:00

Hai uns días falabamos de... "Polo San Martiño, peóns no camiño" (Pica se queres recordar a nova e os vídeos). Por fin chegou o día! Mañá celebramos o Día do Peón. Aquí vos deixamos o Manifesto de Suso de Toro, de novo o enlace a Brinquedia, e uns vídeos para que vexades que o peón é internacional, que fala moitas linguas e que sabe de moitas culturas. Recordade! Mañá xogaremos no recreo. Todos e todas preparados!
Por certo, se queredes refrescar a memoria, podedes acceder a unha entrada antiga do blog da biblio onde podederedes ver fotos da celebración de hai dous anos e tamén repasar a letra da "Buxaina", do Grupo Ledicia, de Caranza, Ferrol (CEIP Manuel Masdías)

Manifesto do "Día do peón 2009"

TIRA POLA PIOLA

Traballar todo o ano cansa, traballar un día e mais outro na mesma cousa é aborrecido. Así e todo hai días nos que o traballador ten o corpo golfo e quere brincar, eses días fabrica cousas para a alegría. Estes días pasados os ferreiros que fan ferramentas e os carpinteiros que amoblan as casas deixaron estar os traballos e armaron animaliños de madeira con punta de ferro. Son bichiños viradores.

Baila, bailarín, baila,

Danza, salta, o meu peón,

Brinca a miña buxaina

O meu trompo toleirón

O peón é barrigón e polo pé moi agudo, é un bicho que quere brincar e que naceu aprendido, xa sabe bailar. Nada máis falta que ti aprendas primeiro, a buxaina vai agardar que alguén che ensine primeiro a que a envolvas coa túa piola, a modiño, con xeito, unha volta e mais outra. Á que está envolta hai que sacar a lingua polo canto da boca e logo, atención, aí vai o peón!
Elvira, tira,Manuel,
dalle á piola.
Son o teu trompo,

Lánzame que non rompo.
Suso de Toro

Chispa cóntanos máis cousas no blog da nosa biblioteca

MAGOSTO E SAMAÍN NO COLE!

2009-11-08T21:52:00.000+01:00

Este venres celebramos o Magosto e o Samaín. Primeiro comemos as castañas no patio. Mmmmm! Que ricas. Castañas con leite. Despois limpamos e recollemos todo e fomos ás clases a prepararnos para o desfile do Samaín.

Os maiores, como cada ano, tallamos e adornamos as cabazas no cole. Os peques trouxeron fermosas caveiras das casas, e todos xuntos fixemos un desfile coas luces apagadas e as cabazas acesas, mentres cantabamos unha canción que a nosa profe Feli compuxo hai anos, e que a nós encántanos cantar polo Samaín:

"Samaín, Samaín, de idade celta,

Samaín, Samaín, chegou o Samaín. (bis)

Somos as caveiras

do colexio de Pazos

aquí vimos todas

a darvos abrazos. (bis)

Samaín, Samaín, de idade celta

Samaín, Samaín, chegou o Samaín. (bis)

Desfilamos xuntas

ríndonos do mal

non teñades medo

deste festival. (bis)"

A "teacher" tamén preparou dúas cancións cos nenos e nenas de 1º e 2º. Deixámosvos as fotos a continuación.

Despedímonos cantando Samaín, do noso compañeiro Jesús Pareja. Xa a coñecedes de entradas antigas pero se a queredes volver escoitar non tedes máis que picar aquí.

Redeiras. Un caderno de poesía experimental intercentros.

2009-11-06T17:09:00.001+01:00

REDEIRAS é un caderno de Poesía Experimental, feito por un mar de "mestras-redeiras" que van texendo con imaxes, con palabras, con silencios, con complicidade... anaquiños do sentir das nosas nenas e nenos.

Este proxecto está enmarcado dentro dun Proxecto de Normalización e Dinamización Lingüística entre centros, no que participamos xa máis de 17 centros galegos e no que ademais colabora a Asociación Sagres, cunha valiosísima recopilación de fotos da xente do mar.

Pois ben, velaiquí a primeira contribución ao proxecto do CEIP de Pazos: as nenas e nenos de 3 e 4 anos da clase da profe Rosa, inspirados polo caligrama do caracol das nenas e nenos do Santiago de Oliveira, e os caligramas de Apollinaire, e dentro dun proxecto global propio do centro no que se traballaron as árbores autóctonas da nosa comarca, fixeron esta caligram-árbore de outono.

A profe Rosa axudounos a escribir as palabras e as profes Ana e Carmen a darlle este acabado final tan espectacular!!!

Esperamos que vos guste a nosa caligram-árbore de outono.

Podedes velo tamén en redeiras ou en pequesPazos.

POLO SAN MARTIÑO, PEÓNS NO CAMIÑO

2009-11-04T20:04:00.000+01:00

Vieiros vén de colgar na súa páxina unha interesantísima información sobre o Día do Peón.

Aquí tedes un vídeo dos nosos veciños do CEIP de San Isidro xogan ao peón nos recreos polo San Martiño.

E tamén vos deixamos outro interesantísimo vía "BRINQUEDIA", que é a entidade organizadora desta celebración, de como se elabora un peón, e para facer un pareado,
prestade moita atención.

Queremos galego

2009-11-01T19:35:00.000+01:00

QUEREMOS GALEGO é unha plataforma cidadá, conformada por entidades de diferentes ámbitos e por persoas a título individual, que nace da vontade de articular unha ampla resposta colectiva a prol da lingua propia do noso pobo, o galego; de defensa e afirmación dos usos públicos e dereitos lingüísticos xa garantidos pola actual lexislación; de progresiva normalización naqueles espazos onde o idioma de noso non goza aínda da presenza desexada.

O pasado 18 de outubro houbo unha manifestación en Santiago a prol da nosa lingua na que participaron máis de 50.000 persoas. Nun ambiente lúdico –no que a música das gaitas e os bombos acompañaron toda a marcha– tomaron a palabra nada máis chegar á Quintana os membros da plataforma Queremos Galego, Fran Rei e Patricia Vázquez, o intelectual galeguista Avelino Pousa Antelo, o presidente da Mesa, Carlos Callón, e o músico e activista cultural Xurxo Souto.

Máis información en Galicia hoxe

“Se os galegos aínda somos galegos, é por obra e graza da nosa lingua, que temos que defender”. Castelao dicíao en 1931, no seu discurso nas Cortes constituíntes. Setenta e oito anos despois, estas palabras, lembradas por Avelino Pousa Antelo, teñen aínda moito significado.

SAMAÍN

2009-10-31T20:52:00.001+01:00

Esta é a canción que o ano pasado compuxo o noso compañeiro Jesús Pareja: "Samaín". Aquí a deixamos para que disfrutedes dela.

Grazas, Jesús, encántanos que fagas cousas tan bonitas.

Samaín, o misterio chega co Samaín,
as cabazas, os morcegos,
bruxas polo ceo,
o misterio chega co Samaín. (bis)

Lúa chea no balcón,
mil estrela arredor,
bailan aquelarre,
ósos e melóns. (bis)

Samaín, o misterio chega co Samaín,
as cabazas, os morcegos,

bruxas polo ceo,

o misterio chega co Samaín. (bis)

As caveiras atopar
nos cruceiros do lugar,
faremos meigallos
para nos salvar. (bis)

Samaín, o misterio chega co Samaín,

as cabazas, os morcegos,

bruxas polo ceo,
o misterio chega co Samaín. (bis)

A festa do samaín marcaba para os celtas o comezo dun novo ano. Polo samaín era costume baleirar nabos de gran tamaño –posteriormente cabazas- para porlles dentro candeas. Varios séculos despois esta tradición –que se mantén aínda en Galiza, destacándose Cedeira- ten continuidade nas festas de Halloween (adaptación do samaín á cultura americana, sendo máis semellante a un entroido), que poderían ter sido exportadas aos Estados Unidos de América polos irlandeses no século XIX e comezos do XX. (Galipedia)

Visita á Lagoa de Doniños e ao Castro de Lobadiz

2009-10-30T19:55:00.000+01:00

Equipados/as coa roupa axeitada e o material necesario para tomar anotacións, hoxe os alumnos e alumnas de 2º e 3º ciclos visitamos a lagoa,o areal de Doniños e o Castro costeiro de Lobadiz.
Contamos coa presenza de Sandra, membro de SGHN, que fixo de guía, e foinos explicando sobre todo a flora e fauna da zona, coa axuda dun telescopio.
En primeiro lugar realizamos un recorrido pola barra dunar, entre a lagoa e o areal. A vexetación é escasa en especies e cobertura xa que as plantas teñen que soportar condicións extremas de mobilidade do substrato e de salinidade, entón só moi poucas especies soportan estas condicións e todas elas presentan adaptacións como follas carnosas, raíces longas, etc. Entre elas observamos: os feos ( de raíces moi longas para buscar auga), cebolas de gaivotas ( as follas teñen unha especie de cera para protexerse do sol), leiterenas, alelí de mar, tomelo de praia e outras.
Poidemos observar tamén, coa axuda do telescopio, as gaivotas que sobrevoaban a lagoa e tamén a galiñola negra.
A continuación fixemos un recorrido polo areal descubrindo, sobre todo, o impacto sobre o litoral do lixo acumulado na praia.
Polos sendeiros ata o Castro observamos a uña de gato, planta importada de África para cubrir as ladeiras das estradas.
Unha vez no castro merendamos e despois aprendemos un pouco sobre as ruínas, que, por certo, están cubertas de vexetación. Sería bo limpar e poder ver algún resto do Castro. Por último observamos co telescopio as Illas Gabeiras que tiñamos enfrente.
Nesta saída marabillosa aprendemos, divertímonos e fixemos sendeirismo.
Que máis podemos pedir!

LENDA DA LAGOA DE DONIÑOS.

“Un día chega Xesús á cidade de Valverde pedindo algo de comida, pero ninguén lla dá. Así chega á casa dunha muller que vivía un pouco afastada do pobo cos seus fillos pequenos e esta ofrécelle un pouco de bola que acababa de cocer. Xesús, agradecido, dille á muller que fuxa polo camiño arriba sen mirar atrás, que a mala xente de Valverde ía sufrir un desengano que ela non merecía. Ela así o fixo despois de que Xesús lle asegurara que os seus fillos non correrían perigo, pero en vez de mirar adiante como Xesús lle dixera, mirou para atrás chea de curiosidade e viu como a cidade de Valverde estaba a desaparecer baixo unha morea de auga. A muller morre por desobedecer, pero os seus fillos sálvanse flotando no berce no que durmían. Din que de aí vén o nome de lagoa: Doniños, “dos niños” en castelán, dous nenos en galego."

BOCABERTA CHEGA A FERROL

2009-10-27T20:08:00.000+01:00

O programa Bocaberta, de Política Lingüística, é unha campaña que comezou o pasado mes de maio en Cangas e, tras percorrer outros 11 concellos, continúa -nunha segunda fase- nestes meses de outubro e novembro.
Hoxe tocoulle a Ferrol. E alí xuntámonos ás doce e media da mañá, seis colexios: Isaac Peral, Manuel Masdías, Pazos, Ponzos, Recimil e Santa Xoana de Lestonnac. O Mago Cali fixo un espectáculo no que achegou as súas verbas e a súa maxia a un montón de nenos e nenas dispostos . Poderedes ler máis información sobre o libro co que a Editorial Xerais nos agasallou no blog da biblioteca.

A lenda da Pena Molexa

2009-06-24T01:48:00.001+02:00

A parroquia do Val recrea dende hai uns anos, pola Noite de San Xoán, a lenda da Pena Molexa, en Narón. Conta a lenda que un poderoso feitizo convertiu a unha fada moi fermosa nunha rocha, que é a Pena Molexa... Na noite de San Xoán desfaise o encantamento e, por uns minutos, a rocha transfórmase de novo en muller, que vai acompañada de fantásticos tesouros; a muller ofrece a quen por alí pasa que escolla a mellor das xoias. A avaricia da xente faille escoller os bens materiais, no canto de escollela a ela, desta forma, o encantamento non se desfai, e ela volve a converterse nunha rocha unha vez máis; e así estará ata o vindeiro ano pola mesma data.

O soño dunha Noite de San Xoán

2009-06-23T22:49:00.000+02:00

Sentímolo, o teu navegador non soporta marcos. En Galicia Espallada atoparás moita información sobre a nosa tradición de San Xoán

A noite de San Xoán, o 24 de xuño, é hoxe unha das festas máis ricas en lendas, supersticións e costumes que acocha o noso folclore, a nosa cultura. (...) Segundo a definía don Eladio Rodríguez Gónzalez no seu Breviario enciclopédico: "Na noite de San Xoán parecen realizarse tódalas marabillas. Acéndense nas cidades, vilas e aldeas as tradicionais lumeiradas, arredor dascales canta a mocidade, baila e brica por riba das chamas; pasan logo os gandos para que reciban o orballo de San Xoán, cando xa as fogueiras esmoreceron, facendo que as redes reciban o remol aínda fumegante; póñense ó relento herbas e plantas recendentes, mergulladas en auga, e nesta auga sandadora lávase á mañá seguinte toda a familia, na crenza de ver curadas as erupcións do cute que padecen; tómanse ás doce da noite as nove ondas do mar polos que viven preto; non poucas persoas acoden á praia máis cercana, malia teren que percorrer unha distancia de dúas a tres légoas para recibi-las salutíferas ondas; chimpándose nove veces ó río os ribeiráns do Miño ó dálas doce da noite, cren que esas ablucións lles serán beneficiosas. (...)

CELEBRAMOS AS LETRAS GALEGAS

2009-05-24T23:44:00.000+02:00

Este venres celebramos as Letras Galegas, e comezamos cantando o Himno galego. Na biblioteca escoitamos os contos na voz dos seus autores e autoras, dos contos que se fixeron ao longo do mes de abril. Pero ademais de todo isto, os nenos e nenas de 4 e 5 anos cantaron “A cor do oso polar”, e en 1º e 2º prepararon a cantiga “A saia da Carolina”. Tamén houbo bailes, de 2º e de 4º: a Muiñeira de Lugo e a Muiñeira Xuliana. 5º e 6º prepararon a fermosas poesía “A fala” de Manuel María e, por último os alumnos/as de 4º presentáronnos un audiovisual sobre Ramón Piñeiro. Héctor e Iván necesitaban moito mais espazo do que dispoñemos na Biblioteca, así que reunímonos no noso salón de usos múltiples para ver a súa interpretación do Rap da Lingua,de Migallas. Así rematamos a celebración dese día pero non esquecemos que as letras galegas son nosas cada día. Temos as exposicións abertas aos pais e nais que desexen achegarse ao colexio.

Mais adiante amosarémosvos as nosas palabras agasalladas e as ruletas cos abecedarios galegos que están penduradas na entrada do colexio.

Coma sempre, deixámosvos coas imaxes e esperamos que disfrutedes.

EN GALEGO, XA, SI!

Máis sobre Ramón Piñeiro

2009-05-19T22:59:00.000+02:00

Como xa está próxima a nosa celebración do Día das Letras Galegas, aquí tendes unha interesante biografía audiovisual sobre o homenaxeado, contada en primeira persoa e chea de lembranzas da súa infancia.

EN GALEGO TES TODO POR VIVIR!

2009-05-17T20:26:00.000+02:00

A Secretaría Xeral de Política Lingüística, dentro da campaña "PALABRAS ENCADEADAS", aposta pola promoción do galego dende a rede para achegarnos con facilidade a todos e a todas vós, unidos na curiosidade de visitar e compartir este espazo virtual para poñer en valor a contemporaneidade, a utilidade, a expresividade e a vitalidade da lingua galega e, sobre todo, para compartir o seu uso.

Nesta ocasión as palabras, o material de construción da nosa lingua, serán as protagonistas. Desta volta imos convivir coas palabras, imos prendelas, apreixalas, rotalas, fotografalas, encadealas, gravalas en vídeo... Imos usar as palabras, as moléculas do galego, para afrontar todo iso que temos por percorrer, por inventar, por vivir, por aprender, por transmitir. E logo! En galego, temos todo por vivir.

Velaiquí vos van un montón de ideas para encher o noso mural de PALABRAS AGASALLADAS.

CORRELINGUA NO DIARIO DE FERROL

2009-05-14T22:28:00.000+02:00

Hoxe saíu publicado no Diario de Ferrol un artigo sobre a edición do Correlingua na que participamos...
O ARTIGO DÍ:
Uns 700 escolares de Ferrol e comarca reuníronse onte en FIMO para gozar dunha proposta lúdico-deportiva coa defensa da lingua como telón de fondo: o Correlingua. Organizada pola CIG-Ensino, a Asociación Socio Pedagóxica Galega e a Mesa pola Normalización a cita incluiu diferentes actividades.

Arredor das dez da mañá dábase o pistoletazo de saída a unha nova edición dunha actividade que cada ano convida á mocidade e aos centros de ensino a reivindicar o dereito a medrar en galego e exercer como tales a través do uso do idioma, “a única forma de garantir o seu futuro”, segundo os propios organizadores.

Escolares e profesores de centros como o CEIP Esteiro, Isaac Peral, Ponte Xuvia, Recimil, Pazos, San Isidro, Aspanaes, Santa Juana de Lestonnac, Luis Vives ou o IES Fernando Esquío de Neda, entre outros, participaron na cita, que comezou cunha carreira simbólica polas inmediacións do pavillón número 1 de FIMO, no que os mozos portaban pancartas en defensa da lingua galega. Logo deste primeiro acto, o alcalde de Ferrol, Vicente Irisarri, e a concelleira de Educación, Mercedes Carbajales, -o Concello ferrolán colaborou na cita-, dirixíronse aos rapaces para animalos a empregar o galego na súa vida cotiá. “Hoxe é un día moi especial, un día para pensar na nosa terra e sentir unha enorme satisfacción por vivir onde vivimos”, dixo Irisarri, que ao mesmo tempo reclamou aos escolares que defendan día a día o galego “desde a escola, desde a máis tenra infancia, porque é aquelo que nos une e do que debemos de estar orgullosos”.

(...)

Segundo subliñaron algúns dos organizadores do Correlingua, a edición deste ano cobrou un maior significado en defensa da lingua galega por se celebrar nun momento marcado pola decisión do novo goberno da Xunta de Galicia de derogar o decreto do galego na ensinanza, en virtude do cal alomenos o 50% das materias tiñan que ser impartidas en galego.

(...)

CORRELINGUA 2009

2009-05-13T18:53:00.000+02:00

Hoxe todo o colexio celebrou o CORRELINGUA de Ferrolterra. Levamos a nosa pancarta e participamos no percorrido polo recinto de FIMO , en A Malata. Despois, dentro do pavillón escoitamos contos, lemos o manifesto, e vimos a representación de "Zampón, o lambón" a cargo de FANTOCHE BAJ, unha compañía de teatro de Lalín, que estes días percorrerá as vilas de Galicia co seu espectáculo, acompañando ao Correlingua. Antes de ver as fotos, podedes ler o fermoso manifesto que os alumnos e alumnas de 4º da ESO do CPI de Panxón, en Nigrán, escribiron:
MANIFESTO PARA O “CORRELINGUA” DE “OS CONCIENCIADOS”.
Galicia ten unha lingua propia moi antiga e fermosa, o galego. Debemos falala para así conservala como fixeron os nosos devanceiros que a pasaron de xeración en xeración, ás veces con moitas dificultades porque estivo prohibida nos Séculos Escuros e na posguerra. Afortunadamente mantivérona viva e hoxe temos o deber de mantela viva nós, falándoa en tódolos contextos, na escola, na rúa, no médico, nos fogares, na igrexa, cos amigos, nas discotecas, no noso tempo de lecer (gozando de libros, xornais, música, programas de televisión, documentais, vídeos, películas e obras de teatro en galego), demandando toda esta cultura en galego. De xeito que poidamos transmitírllela logo ós nosos fillos e perdure no tempo moitos séculos máis.
Somos os mozos e as mozas quen temos a obrigación de manter a lingua galega viva e hoxe en día a xuventude non fala moito en galego; xustifícanse dicindo que a súa familia lles fala en castelán e tamén os seus amigos, e que se senten máis cómodos falando en castelán. Mesmo hai rapaces e rapazas que opinan que o galego é unha lingua inferior que non serve para nada, razoamentos totalmente absurdos que se se lles fai caso, rematarán extinguindo a nosa lingua galega e tirarán por terra todo o labor feito polos nosos devanceiros e egrexios escritores e escritoras como Rosalía de Castro, Curros, Pondal, Ramón Cabanillas, Vicente Risco, Otero Pedrayo, Castelao, Manuel Antonio, Cunqueiro, e outros moitos escritores que fixeron posible que o galego perdure no tempo na escrita. Mais non abonda, ten que perdurar tamén na fala, e ese é un labor noso, da xente nova en especial, pois somos o xerme para os que veñan despois e, se falamos en galego, faremos que se manteña viva a lingua galega nas vindeiras xeracións.
Parece mentira que de ser unha lingua de cultura en que se escribiron as cantigas medievais en toda a Península, aínda haxa xente hoxe que diga que a lingua galega é unha lingua inferior. Se foi unha lingua en que escribiron ata os reis- trobadores Afonso X o Sabio e Don Dinis de Portugal, como é que a historia posterior creou tal complexo de inferioridade nalgúns galegos e galegas, ata rexeitala completamente?. Hai quen non quere que se dean as clases en lingua galega nas áreas que pola Lei de Normalización Lingüística se teñen que dar en galego; que din que se está impoñendo o galego no ensino. Prefiren que os seus fillos e fillas aprendan inglés e non galego. Pódese falar en galego, sen que por iso deixemos de aprender outras linguas. Na actualidade o galego non se impón, mais ben o que se impón é o castelán, pois é a lingua maioritaria. Se non facemos por remedialo, seguirá a mesma situación, ou mesmo empeorará, e cada vez haberá menos número de galegofalantes novos, o que levará consigo que a lingua galega se perda. Está nas nosas mans cambiar a situación. Falemos en galego!.

Aquí vos deixamos as fotos. A ver se atopades a alguén coñecido!

+ Internet + Galego + Futuro

2009-05-11T00:49:00.000+02:00

A Consellería de Economía e Industria vén de abrir a súa páxina na rede para celebrar conxuntamente o Día das Letras e o Día Mundial das Telecomunicacións e da Sociedade da Información.

Podedes ver máis información en www.maisinternetmaisgalego.org, que parte co obxectivo de informar sobre o autor homenaxeado este ano no 17 de maio, Ramón Piñeiro, e tamén sobre todas as actividades que se desenvolvan para difundir e normalizar a nosa lingua, tanto no día a día como a través dos novos medios de comunicación e información que nos brinda a rede de redes.

Máis sobre as Letras Galegas 2009

2009-05-10T19:40:00.000+02:00

Xa está próximo o Día das Letras Galegas deste ano. Para preparar as actividades, para saber e coñecer máis sobre Ramón Piñeiro podedes acceder a estes enlaces:
Páxina da Real Academia Galega
O Seminario Galán
Páxina dos Equipos de Normalización de Política Lingüística
Páxina do Día das Letras Galegas
Webquest de Olga Rodríguez, bibliotecaria do CEIP Milladoiro Malpica. Grazas Olga!

E vía a Bibliotecadocole chéganos este O RAP DA LINGUA (MIGALLAS).

QUE FALEMOS EN GALEGO

É UNHA COUSA NATURAL,

COMA A CHUVIA NO INVERNO

E A CALOR NO VERÁN.

EN GALEGO! XA! SI! (BIS)

AINDA HAI PAIS QUE NON LLES FALAN

ÓS SEUS FILLOS EN GALEGO

PORQUE PENSAN QUE É UNHA LINGUA

PARA POBRES E "PALETOS".

AOS TEUS PAIS ANIMARÁS

A FALARCHE EN GALEGO,

QUE NON CHE VAN SAÍR GRANS

NIN TAMPOUCO CAE O PELO.

HAI RAPACES E RAPAZAS

QUE Ó IR Ó INSTITUTO

NON QUEREN FALAR GALEGO

PORQUE DIN QUE É MONTUNO.

MAIS SE ALGUÉN CHE FAI TILÍN

E O QUERES NAMORAR

FAILLE AS BEIRAS EN GALEGO,

DE SEGURO LIGARÁS!

HAI RAPACES E RAPAZAS

QUE QUEREN FALAR GALEGO

PERO AÍNDA NON O FALAN

PORQUE DIN QUE TEÑEN ERROS.

ANQUE O FALES TODO O DÍA

NON CHE PODE SENTAR MAL.

NIN DÁ MOCOS, NIN DÁ FEBRE.

FAI A PROBA E XA VERÁS!

FALEMOS A NOSA LINGUA

QUE É UNHA LINGUA MOI MODERNA,

AS ESCOLAS E NAS CASAS

NAS CIDADES E ALDEAS.

EN GALEGO! XA! SI!

Belén Regueira nos Premios Maestro Mateo

2009-05-10T18:36:00.000+02:00

O pasado 30 de abril celebrouse a entrega de Premios Maestro Mateo no Pazo da Cultura de Pontevedra. Belén Regueira, presentadora de "O país dos ananos", a quen todos e todas coñecedes, recolleu o premio á Mellor Comunicadora da Televisión. Este é o vídeo que amosa as súas valentes palabras.

Estreamos blogue preparando o Día das Letras Galegas 2009

2009-05-08T19:31:00.000+02:00

No ano 2009 adícaselle o Día das Letras Galegas a Ramón Piñeiro
Aquí temos unha primeira ollada á vida deste escritor.